林一鳴（Eddie）坦言未看好人民幣今、後兩年的走勢，「環球市場走寬鬆貨幣政策，加上內地經濟增長放緩，情況同過去幾年唔同晒，人民幣無可能再年年升值。目前兌美元6.14水平好難再會有上升空間，估計至今年底都係橫行格局，上落波幅約為1%。」 借道滬港通買A股 鑑於對人民幣前景未敢樂觀，林一鳴坦言個人今年已盡沽手上相關投資，人民幣定存、人民幣債券等已通通轉為港元資產。他表示，「以前我嘅人民幣投資，最少每年穩享7至8%回報，但睇番目前人民幣定存嘅回報真係唔吸引。反而港元同美元掛鈎，美元強勢，揸港元資產都有着數。」其港元投資產品包羅萬有，股票、期貨、期權等一律均持有。 不過，他看好明年A股表現，預期滬綜指可勢如破竹地衝高至3,500點，故建議投資者不妨買入南方A50（02822）及安碩A50中國（02823）兩隻A股ETF，亦可透過滬股通買入A股，睇好醫藥股、軍工股等。惟他提醒，「玩A股唔同玩港股，炒消息多過睇公司基本因素，所以揀股時都要好小心。」 他亦一如既往地撐匯賢產業信託（087001），稱其股息率高逾9%，「回報率比領匯（00823）高好多，價格亦算係穩定，但就真係純收息囉」。 匯賢是首隻在港上市的人民幣計價房地產投資信託基金，年內股價跌9.95%；而領匯股息率較低，僅有3.33%，但年內股價則升32.31%。

http://orientaldaily.on.cc/cnt/finance/20141205/00269_001.html