一個唔小心，物業分分鐘變銀主盤 ---------在香港和大陸，無樓會比帶白鴿眼的人睇低，但有樓的人，如果耳仔軟及愛貪小便宜，很易臨老唔過得世，以下文章是在論壇看到，敘述 bankers 怎樣"協助"小業主成為千萬富翁，相信這是典型手法，歡迎 forward 給有物業的朋友

今日兩個 banker 上梨我公司，最初話可以用物業估價借5成 od 额，唔用唔洗比息，利息係 h+1.7, 我心諗咁正，同 mortgage 一樣息，又有额度，又免申請費，仲要唔用唔洗比息，條友幾日打左幾次電話比我，見佢咁認真，咁不妨見一見啦。

唔聽由自可，聽完之後先知銀行推銷産品，大家千祈唔好盡信，真係信佢一成雙目失明。

我比左兩份現契比佢做初歩估價，估值約一千個，可以做 od 额 5球，跟住就同我講借左既錢，8成用梨買公司發既債，例如 hsxc 或 和x 發既債券，收5-6厘息，你成本只係2厘，中間賺息差有3，4厘息。

如果你想用錢，可以將債券抵押比銀行，套8成錢，你可以用梨投資或買債券又可買樓，又可買人仔賺息。

我聽左一輪，我話借你5球，要買8成債券，將8成債券抵押8成，再買債券，如此類推，經過 mutipier effect, 我可以放大5倍，即係借你5球，可以買2千5百萬債券，如果債券發行公司，又或債券對手一爆煲，我咪輸到仆街，况且我點會笨到去借錢比人做生意，我唔會買債卷。

banker 聽完我唔買債券，跟住話冇問題，你可以選擇買基金，我話我唔買基金，佢又話唔緊要，你可以買其他保險産品，我同佢講，我唔信所有金融産品，我唔買得唔得？

佢跟住講，乜生，我地都係做生意，規距都要買，吊，咁即係你借錢比我買你地既 product, 之前又話申請左，唔用唔洗息，而家又話要用8成既錢買咩咩債券，嘥 9 氣。

佢見我唔 so 佢，竟然話我可以擺1球美金落銀行， up grade 做 PB, 咁你個 od 就可以唔洗買債券都得喇，我又吊，我如有1球美金擺落你度，我洗 L 借你 5 球 od 咩？

................

經過今次同銀行傾計，原來好多野，你唔問佢唔講，之前講到咩天花龍鳳，原來係好多陷阱隱没了唔講，唔怪得連雷曼都要爆。